aide
Discours/Cérémonie
Accueil des commissaires du roi aux Etats - E16610124(01)
Nature |
Accueil des commissaires du roi aux Etats |
Code du discours/geste |
E16610124(01) |
CODE de la session |
16610124 |
Date |
24/01/1661 |
Cote de la source |
C 7125 |
Folio |
118r-118v |
Espace occupé |
1,1 |
Locuteur
Titre |
np |
Nom |
np |
Prénom |
np |
Fonction |
np |
Texte :
L'an mil six cens soixante un et le lundy vingt quatriesme du mois de janvier, dans l'esglize des penittens noirs de la ville de Pezenas, les gens des trois Estatz du pays de Languedoc y estant assamblez par mandement du Roy, est venu Monseigneur le prince de Conty, prince de (sic) sang, pair de France, gouverneur et lieutenant general en Languedoc, assisté de Messire Claude de Bazin, chevallier, seigneur de Bezons, consellier du Roy ordinaire en son Conseil d'estat, intendant de la justice, police et finance de lad. province de Languedoc, de Messieurs Léonard d'Aignan, baron de Castelviel, seigneur d'Orbessan et autres places, et de Jean de Castel, trezoriers generaux de France ez generallités de Th(o)l(oz)e et Montpellier, tous commissaires prezidens pour le Roy auxd. estatz, absant Messire Louis duc d'Arpajon, ministre d'Etat, ch(eval)ier des ordres du Roy et lieutenant general pour le Roy en ceste province, aussy commissaire prezidant pour le Roy auxd. estatz. Mond. seigneur le prince de Conty et Messieurs les autres commissaires ont prezenté la lettre cloze du Roy dressant aux Estatz dattée a Paris du quinziesme du mois de novvembre 1660, Son Altesse Serenissime l'auroit baillée a Monseigneur l'archevesque et primat de Narbonne, prezidant desd. estatz, qui en auroit ordonné la lecture, laquelle ayant esté faitte ensuitte par Maistre Pierre de Guilleminet, secraittaire et greffier en iceux, Mond. seigneur le prince de Conty auroit ordonné la lecture des commissions, laquelle a esté faitte par Maistre Jean Pujol, greffier pour le Roy auxd. Estatz.