aide
Discours/Cérémonie
Service funèbre - E16811215(1)
Nature |
Service funèbre |
Code du discours/geste |
E16811215(1) |
CODE de la session |
16811120 |
Date |
15/12/1681 |
Cote de la source |
C 7213 |
Folio |
19v-20r |
Espace occupé |
1 |
Locuteur
Titre |
np |
Nom |
np |
Prénom |
np |
Fonction |
np |
Texte :
Du lundy quinziesme decembre, president Monseigneur le cardinal de Bonsy, archevesque et primat de Narbonne.
S[on] Eminence a dit que le sieur de Maureillan, envoyé de Rieux, est decedé en cette ville et que l'usage estant de faire aux despens de la province les honneurs funebres de Messieurs les deputez qui viennent a deceder pendant la tenue des estatz, l'assemblée devoit estre informée de ce qui fut pratiqué en la derniere occasion, sur quoy lecture a esté faite de la deliberation qui fut prize en l'année 1675 a l'occasion du decedz du sieur de Chastanet, envoyé de la Gardiolle, et les scindicz generaux ont esté chargez de faire dire deux cent messes pour le repos de l'ame dudit feu sieur de Maureillan, la compagnie ayant deliberé que, le lendemain, les estatz en corps, aprez avoir ouy la messe dans l'Eglize de Nostre Dame des Tables, donneront de l'eau benitte au corpz du deffunt qui est en despost dans une chapelle a costé du grand autel, et que l'après diner les sieurs vicaires generaux, envoyez de la noblesse et deputez du tiers estat assisteront a sa sepulture dans ladite Eglize, les sieurs envoyez de tour de Vivarez, de S[ain]t Felix, de Mirepoix et d'Ambres ayant estre nommez pour porter le drap mortuaire, et a esté arresté qu'il sera fait au premier jour libre un service pour le repos de l'ame du feu sieur de Maureillan, le sieur Ducasse, vicaire general de Castres, ayant esté nommé pour dire la messe et les scindicz generaux chargez d'inviter suivant l'usage messieurs les commissaires du Roy d'y assister, et parce que l'assemblée a esté informée que le sieur de Maureillan filz estoit arrivé a Montpellier, les Estatz ont deliberé de luy faire faire de leur part des complimentz de condoleance et luy tesmoigner le desplaisir qu'ilz ont de la perte qu'il a fait, le sieur vicaire general de Castres, le sieur envoyé de tour de Gévaudan, et les sieurs consulz d'Alby et de Mende ayant esté deputez pour cet effet.