• Présentation
• Recherche session
• Recherche trans-session
• Auteurs
• Références

aide

Discours/Cérémonie

Messe "pontificale" et procession - E16811123(1)

Nature	Messe "pontificale" et procession
Code du discours/geste	E16811123(1)
CODE de la session	16811120
Date	23/11/1681
Cote de la source	C 7213
Folio	4r-
Espace occupé	0,75

Texte :

Le dimanche vingtroisiesme du mois de Novembre, la procession generale a esté faitte suivant l'antienne coustume, a laquelle Monseigneur le duc de Verneuil et Messieurs les autres commissaires president pour le Roy aux Estatz ont assisté, la messe ayant esté celebrée pontificalement par Monseigneur l'evesque de Commenge, l'evangile a esté porté a baiser a messieurs les prelatz par le maistre de ceremonie a l'offertoire, la predication a esté faitte par Monseigneur l'evesque de Mirepoix, l'officiant estant venu l'entendre avec ses habits pontificaux a l'entrée du chœur ou sa chaize a esté placée, ayant a ses costez le prestre assistant et ses diacres d'honneur, Monseigneur l'evesque de Mirepoix commençant sa predication l'a salué en seul et luy a dit (Monseigneur), après la predication la messe a esté constinuée, Messieurs les evesques ayant esté encensez de trois coups chacun par le diacre servant et en mesme temps le sous diacre a encensé Messieurs les commissaires du Roy, scavoir monseigneur le duc de Verneuil, Monsieur le marquis de Calvisson et M[r] d'Aguesseau de trois coups chacun, et Messieurs les thresoriers de France de deux coups chacun, la paix a esté portée per amplexum par le prestre assistant a Monseigneur l'archevesque de Tholoze en seul qui l'a donnée a M[r]s les autres prelatz de l'un a l'autre, et en mesme temps la paix a esté portée a baizer par le diacre a Messieurs les commissaires du Roy, aprez la messe la procession a esté faitte en la forme ordinaire au retour de laquelle Monseigneur l'evesque de Commenge a donné la benediction du Saint Sacrement.